Ǵalym Sultan Han Júsip ǵylym salasyndaǵy jahandyq syılyǵyn aldy
ASTANA. KAZINFORM – Túrkııanyń Alanııa qalasynda alashtanýshy ǵalym Sultan Han Júsip ǵylym salasyndaǵy «Küresel Bilim Ödülü» ǵalamdyq syılyǵymen marapattaldy.
2026 jyldyń 9 qarashasynda Alanııada Dúnıejúzilik jýrnalıster keńesiniń (Küresel Gazeteciler Konseyi - KGK) VI májilisi aıasynda Ǵalamdyq jetistik syılyǵymen marapattaý rásimi ótti. Ǵylym salasyndaǵy Ǵalamdyq Global Elm Award syılyǵy qazaq ǵalymy Sultan Han Júsipke tapsyryldy. Bul syılyq Alash tarıhyn qalpyna keltirýdegi eńbegi úshin berildi.
Atap aıtqanda, Sultan Han Aqqululy Reseı, Belarýs, Chehııa jáne Qazaqstannyń muraǵat, kitaphana, murajaılaryn ondaǵan jyl zerttep, Alashtyń baǵa jetpes baı murasyn jınap, halqyna qaıta usyndy. Bul aýqymdy eńbek álemdik baǵasyn aldy.
Alanııaǵa 32 elden jınalǵan 350 jýrnalıstiń aldynda qazaq ǵalymynyń esimi prezıdentter, dıplomattar, qoǵam qaıratkerleri esimderimen qatar ataldy.
Aıta keteıik, Jahandyq jetistik syılyǵyn (Küresel Başari Ödülleri) Búkilálemdik jýrnalıster keńesi Ysmaıyl Ǵaspyraly atyndaǵy Akademııanyń Qorymen birlesip taǵaıyndady.
Buǵan deıin Dımash Qudaıbergen men Samal Eslıamova TÚRKSOI marapattaryna ıe bolǵanyn jazǵan edik.
