«ALASH PRIDE-ACB»: Qazaqstandyq faıterler alda keledi
ALMATY. QazAqparat - Almatyda «ALASH PRIDE-ACB» halyqaralyq MMA týrnıri ótip jatyr, dep habarlaıdy QazAqparat tilshisi.
Qazaqstandyq faıter Qarshyǵa Dáýitbek tájikstandyq Emomolıı Halboıdi birden nokaýtqa jiberdi. Osydan keıin 70 keli salmaqta shyqqan qyrǵyz eliniń faıteri Almanbek Janybekov qazaqstandyq Oljas Esqaraevti qylqyndyrý ádisimen jeńdi. Odan keıin, 57 keli salmaq dárejesinde jekpe-jekke shyqqan reseılik Ibragım Mamaevti qazaqstandyq Assý Almabaev tize búktirdi.
Aıta keteıik, jekpe-jek keshinde birinshi bolyp alańǵa Tájikistan sportshysy Ramazon Nazorov pen qazaqstandyq Bahtııar Nesipbek shyqty. Shyǵa salysymen qazaqstandyq sportshy 34 sekýnd ishinde qarsylasyn tehnıkalyq nokaýtpen jeńdi.
Shara Almaty qalasynyń 1001 jyldyǵyna arnalady. Saıystyń basty jekpe-jegi qazaqstandyq Arman Ospanov pen brazılııalyq Tıago Lýıs Sılva arasynda ótedi.
«ALASH PRIDE» promoýterlik kompanııasy «ASV» promoýshenimen birlese, Almaty qalasy ákimdiginiń qoldaýymen Qazaqstan tarıhyndaǵy eń aýqymdy, halyqaralyq MMA týrnırin «ALMATY ARENA» sport kesheninde ótkizýde. Saıystyń júrgizýshisi - TMD jáne Reseı boıynsha eń úzdik rıng-júrgizýshisi Aleksandr Zagorskıı.
Bul keshtiń basty jekpe-jegi Arman «Suńqar» Ospanov pen brazılııalyq Tıago «MANCHINHA» Lýıs Sılva arasynda ótedi.
Qazaqstannyń eń úzdik faıteri, «Alash Pride FC» sarbazy - Arman Ospanov kásipqoı aralas jekpe-jekte segiz kezdesýge shyǵyp, barlyǵynda aıqyn jeńgen. Ol áskerı sambodan QR eńbek sińirgen sport sheberi, qoıan-qoltyq urystan álem jáne TMD chempıony, áskerı sambodan álemniń úsh dúrkin chempıony. Onyń qarsylasy Tıago Lýıs Sılva (12-5) brazılııalyq djıý-djıtsýdan qara belbeýdiń ıegeri jáne «Shooto Brasil» uıymynyń álem chempıony.
Bul MMA týrnıriniń aıasynda belgili qazaqstandyq sportshylar, «Alash Pride FC» ókilderi - Asyljan Baqytjanuly, Evgenıı Egemberdıev, Asý Almabaev, legıonerimiz Mýrod Hantýraev jáne Igor Svırıd aıqasqa túspek. Týrnırde segiz buryshqa jalpy 15 jup 11 jekpe-jekke shyǵady. Olar Reseı, AQSh, Brazılııa, Lıtva, Rýmynııa jáne Tájikstan syndy elderdiń atyshýly faıterleri.
«ALASH PRIDE - ASV» týrnırine belgili amerıkalyq UFC referıi- Djon Makkartı men Herb Dın óziniń ádilqazylar brıgadasymen tóreshilik etedi. UFC-diń úsh dúrkin eks-chempıony Frenk Mır tikeleı efırde atalǵan jekpe-jek keshiniń kommentatory bolmaq.
