«ALASH PRIDE-ACB»: Qazaqstandyq faıter qarsylasyn birden nokaýtqa jiberdi

Saıystyń júrgizýshisi - TMD jáne Reseı boıynsha eń úzdik rıng-habarlaýshysy Aleksandr Zagorskıı.

Birinshi bolyp alańǵa Tájikstan sportshysy Ramazon Nazorov pen qazaqstandyq Bahtııar Nesipbek shyqty. Shyǵa salysymen qazaqstandyq sportshy 34 sekýnd ishinde qarsylasyn tehnıkalyq nokaýtpen jeńdi.

Jekpe-jek keshi Almaty qalasynyń 1001 jyldyǵyna arnalady. Saıystyń basty jekpe jegi qazaqstandyq Arman Ospanov pen brazılııalyq Tıago Lýısa Sılva arasynda ótedi.

Aıta keteıik, «ALMATY ARENA» sport kesheninde «ALASH PRIDE» promoýterlik kompanııasy «ASV» promoýshenimen birlese, ALMATY qalasy ákimdiginiń qoldaýymen Qazaqstan tarıhyndaǵy eń aýqymdy, halyqaralyq MMA týrnırin ótkizip otyr.

Bul keshtiń basty jekpe-jegi ARMAN «SUŃQAR» OSPANOV  pen brazılııalyq TЬıAGO «MANCHINHA» LÝIS SILVA arasynda ótedi.

Qazaqstannyń eń úzdik faıteri, «Alash Pride FC» sarbazy - Arman Ospanov kásipqoı aralas jekpe-jekte segiz kezdesýge shyǵyp, barlyǵynda aıqyn jeńgen. Ol áskerı sambodan QR eńbek sińirgen sport sheberi, qoıan-qoltyq urystan álem jáne TMD chempıony, áskerı sambodan álemniń úsh dúrkin chempıony. Onyń qarsylasy Tıago Lýıs Sılva (12-5) brazıldik djıý-djıtsýdan qara belbeýdiń ıegeri jáne «Shooto Brasil» uıymynyń álem chempıony.

Bul MMA týrnıriniń aıasynda belgili qazaqstandyq sportshylar, «Alash Pride FC» ókilderi - Asyljan Baqytjanuly, Evgenıı Egemberdıev, Asý Almabaev, Qarshyǵa Dáýitbek, Bahtııar Nesipbek pen legıonerimiz Mýrod Hantýraev jáne Igor Svırıd aıqasqa túspek. Týrnırde segiz buryshqa jalpy 15 jup 11 jekpe-jekke shyǵady. Olar Reseı, AQSh, Brazılııa, Lıtva, Rýmynııa jáne Tájikstan syndy elderdiń atyshýly faıterleri.

«ALASH PRIDE - ASV» týrnırine belgili amerıkalyq UFC referıi- Djon Makkartı men Herb Dın óziniń ádilqazylar brıgadasymen tóreshilik etedi. UFC-diń úsh dúrkin eks-chempıony Frenk Mır tikeleı efırde atalǵan jekpe-jek keshiniń kommentatory bolmaq.