ALASH PRIDE-ACB»: Arman Ospanov qarsylasynan jeńilip qaldy
ALMATY. QazAqparat- Saıystyń basty jekpe-jegi qazaqstandyq Arman Ospanov pen brazılııalyq Tıago Lýıs Sılva arasyndaǵy jekpe-jek brazılııalyqtyń jeńisimen aıaqtaldy, dep habarlaıdy QazAqparat.
«ALASH PRIDE» promoýterlik kompanııasy «ASV» promoýshenimen birlese, Almaty qalasy ákimdiginiń qoldaýymen Qazaqstan tarıhyndaǵy eń aýqymdy, halyqaralyq MMA týrnıri aıaqtaldy. «ALMATY ARENA» sport kesheninde ótken jekpe-jekte Arman Ospanov qarsylasynan 1 mınýt 44 sekýndta jeńildi. Qarsylasy qylqyndyrý tásilin paıdalandy. Saıystyń júrgizýshisi - TMD jáne Reseı boıynsha eń úzdik rıng-habarlaýshysy Aleksandr Zagorskıı.
Qazaqstannyń eń úzdik faıteri, «Alash Pride FC» sarbazy - Arman Ospanov kásipqoı aralas jekpe-jekte segiz kezdesýge shyǵyp barlyǵynda aıqyn jeńgen. Ol áskerı sambodan QR eńbek sińirgen sport sheberi, qoıan-qoltyq urystan álem jáne TMD chempıony, áskerı sambodan álemniń úsh dúrkin chempıony. Onyń qarsylasy Tıago Lýıs Sılva (12-5) brazılııalyq djıý-djıtsýdan qara belbeýdiń ıegeri jáne «Shooto Brasil» uıymynyń álem chempıony.
Týrnırde segiz buryshqa jalpy 15 jup 11 jekpe-jekke shyqty. Olar Reseı, AQSh, Brazılııa, Lıtva, Rýmynııa jáne Tájikstan syndy elderdiń atyshýly faıterleri.
«ALASH PRIDE - ASV» týrnırine belgili amerıkalyq UFC referıi- Djon Makkartı men Herb Dın óziniń ádilqazylar brıgadasymen tóreshilik etti. UFC-diń úsh dúrkin eks-chempıony Frenk Mır tikeleı efırde atalǵan jekpe-jek keshiniń kommentatory boldy.
