«Alash praıd» jekpe-jekteri Almatynyń 1001 jyldyǵyna arnalmaq
ALMATY. QazAqparat - Almatyda 9 qyrkúıekte «ALASH PRIDE» klýby ASV promoýshenimen birlese otyryp, Almatynyń 1001 jyldyǵy qurmetine, aralas jekpe-jekten úlken halyqaralyq «ASV-69» týrnırin ótkizedi, dep habarlaıdy QazAqparat tilshisi.
Ol týraly búgin Almatyda ótken baspasóz máslıhatynda «Alash Praıd» prezıdenti Danııar Qasqaraýov aıtty.
«Almaty-arenada» ótetin bul MMA bəsekesinde Arman Ospanov basty jekpe-jekke shyǵady. Qarsylasy taıaý kúnderi belgili bolmaq. Arman atalǵan týrnırde əlemdegi reıtıngi joǵary jekpe-jek sheberleriniń birimen aıqasqa túspek. Jeńiske jetken jaǵdaıda, Arman úshin UFC kelisimshartyna qol qoıýǵa zor múmkindik týady», - dedi Danııar Qasqaraýov.
Arman Ospanov jaqyn kúnderi Mahachkalaǵa (Reseı) oqý-jattyǵý jıyndaryna attanady.
Sonymen qatar, ASV-69 týrnırinde jalpy 12 jup óner kórsetedi. Segizburyshqa shyǵatyn sportshylardyń ishinde 7 qazaqstandyq jekpe-jek ókili bar. Olar: Asyljan Baqytjanuly, Asý Almabaeva, Qarshyǵa Dáýitbek, Evgenıı Egemberdıev, Baqytjan Nesipbek jəne legıoner Mýrod Hantýraev (Ózbekstan). Jalpy, ASV-69 halyqaralyq týrnırinde əlemniń 10-ǵa jýyq memleketiniń betke ustar jekpe-jek ókilderi aıqasqa túsetin bolady.
«Alash Praıd» atynan óner kórsetetin bul sportshylar qazir Taıland elindegi oqý-jattyǵý jıyndarynda júr.
Aıta keterligi, ASV promoýsheni - dúnıejúzi boıynsha damý qarqyny jaǵynan, ataqty UFC-den keıingi uıymdastyrý alańy. ASV-69 týrnıri - Qazaqstanda buryn sońdy bolmaǵan, joǵarǵy deńgeıli jekpe-jek jərmeńkesi bolmaq.
