Alash qozǵalysynyń 100 jyldyǵyna arnalǵan qunan jarystyń jeńimpazy anyqtaldy

  TALDYQORǴAN. QazAqparat - Taldyqorǵanda Alash qozǵalysynyń 100 jyldyǵyna arnalǵan qunan báıgede Jambyl aýdany jeńimpaz atandy. Baýyrjan Əmirjanovtyń "Zymyran" atty  səıgúligi birinshi keldi. Júldege - túıe, dep habarlaıdy QazAqparat  tilshisi. 

Dııas Seısenbaevtyń "Bonýs" aty ekinshi oryndy jeńip aldy. Aqsý aýdanynan kelgen júldegerge jylqy berildi. Al úshinshi oryndy eginsýlyq Qumarǵalı Baıahmetovke buıyrdy . Ol iri qarany qanjyǵalady. Al tórtinshi bolyp Erasyl Baýyrjanulynyń "Baıtorysy"  keldi.

Qunan báıgede  26 səıgúlik 9 shaqyrymǵa jarysty. Taldyqorǵandyq turǵyn Baýyrjan Barlybaevtyń tikeleı uıymdastyrýmen ótken báseke jalǵasýda.Qazir shabandozdar Alaman báıgede jarysady.  29 qulager baq synasady. Alash qozǵalysynyń 100 jyldyǵyna arnalǵan sharaǵa Olımpıada chempıondary  Jaqsylyq Úshkempirov, Ermahan Ibraımov, sondaı-aq Olımpıadanyń qola júldegeri Aqjúrek Tańatarov tárizdi elge tanymal azamattar da  qatysýda. Sondaı-aq jarysqa arnaıy kelgen "Alashuly" toby óner kórsetýde.