«Alash» qozǵalysyn zertteýshi: Qazaqstan, Japonııa, Reseı jáne AQSh tarıhshylarynyń materıaldary qoljetimdi bolady
ASTANA. 9 qyrkúıek. QazAqparat - «Alash» qozǵalysyn zertteýshi: Qazaqstan, Japonııa, Reseı jáne AQSh tarıhshylarynyń materıaldary jańadan iske qosylǵan alash-orda.kz portalynda jarııalanyp turady.
Bul týraly búgin Astanada atalmysh portaldyń tanystyrlymynda «Alash» qozǵalysynyń zertteýshisi, joba uıymdastyrýshylarynyń biri Sultanhan Aqquly málim etti. «Portal aldymyzda bolatyn «Alash» ulttyq qozǵalysynyń 100 jyldyq mereıtoıyna arnalyp otyr. Saıttyń eń basty maqsaty - Qazaqstan halqyna, jastaryna burmalanbaǵan, beıtarap jáne aqıqı materıaldardy usyný. Esterińizde bolsa, Keńes Odaǵy kezinde bizdiń tarıh saıasılandyryldy, túpki tarıhymyz burmalanyp, ıdeologııalyq sebeptermen jasyryn ustaldy. alash-orda.kz saıtynyń mindeti - qazaqtyń memlekettiligin moıyndatqan alashtyqtar týraly joıylýǵa shaq qalǵan tarıh aqtańdaqtaryn ashý», - deıdi ǵalym. S.Aqqulynyń aıtýynsha, qazirgi tańda saıt betine jarııalanatyn materıaldar toptastyrylyp jatyr. Barlyq ǵylymı zertteýler qazaq, orys jáne aǵylshyn tilderinde jarııalanyp turmaq. «Sonymen qatar portalda shetel zertteýshileriniń, sonyń ishinde Japonııa, Reseı jáne AQSh ǵalymdarynyń eńbekteri jarııalanady. Saıtta aǵylshyn tilinde paraqshanyń jasalýy da sondyqtan. ıAǵnı saıt Qazaqstan tarıhyn zerttep júrgen barlyq ǵalymdarǵa ashyq bolady. Árıne, saıt redaktsııasy aldymen ol derekterdi túpnusqalyǵyn tekserip otyrmaq», - dep túıdi S.Aqquly.
