Alash qozǵalysy qalamgerleriniń ómiri jaıly kitap jaryqqa shyqty

ALMATY. QazAqparat - Qyzdar ýnıversıtetiniń ustazy, QR Joǵary oqý ornynyń úzdik oqytýshysy, Y.Altynsarın atyndaǵy tósbelginiń ıegeri, fılologııa ǵylymdarynyń doktory Rýda Zaıkenovanyń «HH ǵasyr basyndaǵy ádebıet jáne Alash ustanymy» atty kitaby jaryq kórdi, dep habarlaıdy QazAqparat tilshisi.

«Bul oqýlyqtyń ereksheligi, birinshiden, úsh baǵyt: kúresker-ultshyldyq, dinı-mıllátshildik baǵyt, aǵartýshy-demokrattyq baǵyt ókilderi boıynsha alyp tulǵalardyń ómirbaıandary men shyǵarmashylyq eńbekteri júıelenip berildi. ıAǵnı, úsh topqa bólip, jiktep berildi. Ekinshiden, HH ǵasyr basyndaǵy ádebı úrdis pen onyń tulǵalary bir bólimge shoǵyrlandyryldy. 50-ge jýyq qalamgerdiń ómiri men shyǵarmashylyǵy búgingi oqytýdyń ınnovatsııalyq talabyna saı birinshi ret tutas usynylyp otyr. Sonymen qatar, kitapta Alash urandy ádebıettiń kóshbasshylarymen birge tize qosyp, keleshek urpaq qamy úshin kóptegen maqala jazyp, taýqymetti ómir azabyn birge kóterisken S.Asfendııarov, H.Ǵabbasov, M.Shoqaı, M.Tynyshbaıuly, S.Amanjolov, B.Qulmanov, B.Mámetov syndy kórnekti tulǵalar týraly da málimetter berilip otyr. Oqýlyqta sondaı-aq, HH ǵasyrdyń basyndaǵy baspasóz máselesi men sal-seriler poezııasy da tolyq qamtylyp, birshama shyǵarmalar kontekstik oqý ádisi boıynsha berildi», - deıdi avtor R.Zaıkenova.

Ǵalymnyń aıtýynsha, bul kitap Alash Ordanyń 100 jyldyq mereıtoıyna arnaıy jasalǵan tartý.