Alash kósemi týraly tuńǵysh monografııa jaryq kóredi
ASTANA. QazAqparat - Qazaqtyń HH ǵasyr basyndaǵy eń jarqyn azamaty, dańqty qoǵam jáne memleket qaıratkeri, qazaq ulttyq memleketiniń irgetasyn qaıta qalaǵan Alashorda avtonomııasynyń atasy ári tóraǵasy, ǵulama ǵalym, jýrnalıst ári kósemsózshi Álıhan Bókeıhannyń ómir joly men atqarǵan san qyrly qyzmeti týraly osy kúnge deıin tııanaqty ádebı shyǵarma, kórkem fılm, ne birli-jarym ǵylymı eńbek jaryq kórgen emes. Onyń esesine, ult kóseminiń 150 jyldyǵyna qaraı onyń búkil ǵumyr jolyn sıpattaıtyn kópshilikke arnalǵan ǵylymı-tanymdyq 2 shyǵarma jaryq kóredi.
Bul týraly aikyn.kz jazady.
Biri qazaq oqyrmanyna arnalyp - «Álıhan Bókeıhan: Qazaqqa qyzmet qylmaı qoımaımyn...», ekinshisi - orys tildi aýdıtorııaǵa «Alıhan Býkeıhan. Sobıratel kazahskıh zemel» degen ataýlarmen usynylmaqshy.
Bul eńbekte Alty Alash kóseminiń HІH ǵasyrdyń sońy men HH ǵasyr basyndaǵy shym-shytyryq tarıhı oqıǵalarǵa toly ómir joly tek qana tarıhı aıǵaq-derekterge, sol kezeńdegi «Nasha jızn», «Rech», «Syn otechestva», «V mıre mýsýlmanstva», «Mýsýlmanskaıa gazeta», «Sıbırskıe voprosy» (S.-Peterbor), «Sıbırskıı vestnık» (Tomck), «Stepnoı kraı», «Kırgızskaıa stepnaıa gazeta - Dala ýálaıatynyń gazeti», «Irtysh», «Omıch», «Golos stepı» (Omby), «Semıpalatınskıı lıstok», «Saryarqa», «Abaı» (Semeı), «Qazaq» (Orynbor), «Temirqazyq» (Máskeý) syndy merzimdi basylymdardyń, «Novyı entsıklopedıcheskıı slovar» (S.-Peterbor) syndy entsıklopedııalyq basylymdardyń málimetterine, KSRO jáne QazKSR KGB-sy, RF FQQ, QR UQK-niń muraǵattary qujattaryna, óziniń, týǵan-týysqandarynyń, «Alash» qozǵalysyndaǵy úzeńgilesteriniń, saıası, ǵylymı áriptesteriniń estelikteri men jazbalaryna súıene otyryp sıpattalady.
Eki kitap ta Álıhan Bókeıhan ómiriniń árbir kezeńin sıpattaıtyn, ult kóseminiń basynan ótken qaısybir tarıhı oqıǵanyń kýási bolǵan tarıhı qujattarmen, arhıv materıaldarymen, fotosýrettermen basylyp shyǵady.
