Alash ıdeıasynan artyq ıdeıa men ustanym joq - Azat Perýashev
«Búgin «Alash» qozǵalysynyń rýhanı kósemderiniń biri Mirjaqyp Dýlatulynyń týǵanyna 135 jyl tolýyna baılanysty konferentsııa ótkizip otyrmyz. 2020 jyl eleýli ári mańyzdy sharalarǵa toly boldy, bıyl Qazaq Respýblıkasynyń qurylǵanyna 100 jyl toldy», - dep toqtaldy «Aq jol» partııasynyń tóraǵasy Azat Perýashev.
Osy oraıda ol Mirjaqyp Dýlatuly «Alash» qozǵalysynda erekshe ról oınaǵanyn eske salyp, onyń eńbekterine toqtaldy.
«1909 jyly jaryq kórgen «Oıan, qazaq!» kitaby qazaqtyń ult-azattyq qozǵalysynyń manıfesine aınalǵan qujat bolǵan. «Aq jol» partııasy Alash ustanymdary men ulttyq ıdeıasyna erekshe nazar aýdaryp keledi. Jaqynda ǵana partııamyzdyń quryltaıynda qabyldaǵan saıası baǵdarlamasynda da biz Táýelsizdik pen «Alash» ulttyq ıdeıasyna, ıaǵnı osy eki uǵymǵa erekshe bap arnadyq. Bizdiń oıymyzsha, Qazaq eli úshin Alash ıdeıasynan artyq ıdeıa men ustanym joq. Alash kósemderi, onyń ishinde Mirjaqyp Dýlatuly sııaqty azamattardyń tarıhı róline, olardyń eńbekterine arnalǵan zertteýler, ǵylymı-tájirıbelik konferentsııalardy ótkizip jatyrmyz. Búgingi konferentsııada belgili alashtanýshylar, ǵalymdar men tarıhshylar bas qosyp otyr» , - dedi A. Perýashev.
