«Alash ıdeıasy - arystarymyzdyń armany edi» - respýblıkalyq basylymdarǵa sholý
***
Elbasy Nursultan Nazarbaev Pavlodar oblysyndaǵy jumys saparynyń ekinshi kúnin «Kaýstık» AQ bazasynda qurylyp jatqan erkin ekonomıkalyq aımaqtyń jumysymen tanysýdan bastady. Osyǵan oraı el gazeti «Egemen Qazaqstanda» «Kerekýdegi hımııa klasteriniń kókjıegi» degen taqyryppen maqala jarııalandy. Basylymnyń atap ótýinshe, Memleket basshysy jumys sapary barysynda «Kaýstık» hımııa zaýytynyń jumysymen tanysyp, Pavlodar qalasynda jańadan ashylǵan «Energetık» tennıs ortalyǵyn aralap kórgennen keıin BAQ ókilderine suhbat bergen. «Pavlodar óńiriniń ındýstrııalandyrý máselesi jóninde óte mańyzdy oryn alatyndyǵyn atap kórsetkim keledi. Indýstrııalandyrý baǵdarlamasy boıynsha munda jalpy 144 nysan iske qosylmaq. Onyń ishinde 30 nysan qazirdiń ózinde paıdalanýǵa berilse, 12 iri ındýstrııalyq joba bıyl júzege asyrylmaq», - dedi QR Prezıdenti.
«Egemen Qazaqstan» gazetiniń jazýynsha, keshe Aqordada Memlekettik hatshy Qanat Saýdabaev Norvegııanyń Qazaqstandaǵy elshisi Dag Halvorsendi jáne «Bike for Peace» qoǵamdyq uıymynyń bastamasymen uıymdastyrylǵan «Semeı - Almaty - Astana» velosaıahatynyń jetekshisi Tore Naerland pen osy velojoryqtyń múshesi Frank Tomlınsondy qabyldady. Bul bastama Semeı ıadrolyq synaq polıgony jabylýynyń 20 jyldyǵyna arnalyp otyr. Kezdesý barysynda áńgimege arqaý bolǵan jaıttar jaıynda basylymnyń búgingi nómirindegi «Qazaqstan-Norvegııa múddelestigi» degen maqaladan egjeı-tegjeıli bile alasyzdar.
***
«Aıqyn» gazetinde jazýshy, ǵalym Tursyn Jurtbaımen aradaǵy suhbat «Alash ıdeıasy - arystarymyzdyń armany edi» degen taqyryppen berildi. Basylym tilshisiniń barlyq saýaldaryna tuşymdy jaýap bergen qalamger: «Qazaq memleketiniń damý baǵdaryn, rýhanı uıtqysy men tiregin anyqtaıtyn asa jaýapty saıası betburys - 1921 jyly Orynborda ótken Búkilqazaqtyq Ólkelik keńestiń ІІ sezi boldy. Qazaq Avtonomııasyna qýyrshaq úkimet retinde ǵana qarap, barlyq tizgindi partııanyń bılep-tósteýinde qaldyryp, birte-birte ult qaıratkerlerin is basynan alastatyp, aqyr-sońynda kózin joıýdy oılastyrǵanyn ult ókilderiniń bári de sezdi. Partııalyq tazalaý, taptyq tekti aıyrý, ultshyldyqqa qarsy kúres naýqany týra soǵan baǵyttalyp edi»,- deıdi.
Petropavl qalasyndaǵy alleıalardyń birinde jarty ǵasyrdan astam ýaqyt turǵan proletarıattyń kún kósemi Lenınniń sońǵy eskertkishi ornynan alyndy. Osyǵan oraı «Aıqyn» gazetinde «Lenın tuǵyrdan tústi» degen taqyryppen maqala jarııalandy. «Budan birer kún buryn bir top jumysshy ún-túnsiz kelip 20-30 mınýttyń ishinde Vladımır Ilıchtiń aıaǵynan kesip, tuǵyrdan túsirip alyp ketken. Petropavldyqtarǵa keregi onyń orny emes eken, basqa laıyqty adam tappaǵandyqtan, elý jyl Lenın turǵan tuǵyrǵa mýltfılmniń keıipkeri kapıtan Vrýngeldi turǵyzypty. Mýltıplıkatsııalyq personajdyń tulǵasy da, oń qolyn kóterip turǵan turysy da Lenınge qatty uqsaıtyndyqtan, qala turǵyndary alǵashynda bul ózgeristi baıqamaı da qalypty», - dep jazady basylym.
***
Sońǵy ýaqytta qabirge qoıylǵan, túrli-tústi metaldan jasalǵan belgilerdi urlap, satyp paıda tabýdy kásipke aınaldyrǵandar elimizdiń ár aımaǵynan boı kórsetip júr. Taıaýda Qaraǵandy oblysy Temirtaý qalasynyń mańyndaǵy musylman zıratynyń 18 qabir qorshaýyn qıratqan vandaldar qolǵa tústi. Olar tórt mazardyń qabyrǵalaryn qulatyp, metall qorshaýlaryn alyp ketken. Basqa zırattardyń mármár tastary men jazýlaryn qurtyp, urlaǵan metaldaryn nebári 1500 teńge ótkizgen. Bundaı soraqy oqıǵalar respýblıkanyń barlyq aýmaqtarynda baıqalyp otyr. Sonda zıratta jatqan ólilerge de tynyshtyq bermeı, qabirlerin qorlatyp qoıǵanymyz qalaı? Munymen kúresýdiń joldary qalaı? Bul saýaldarǵa «Alash aınasy» gazetiniń búgingi sanyndaǵy «Qabirlerimizdi qıratyp jatyr. Al vandalızmge qalaı tosqaýyl qoıamyz?» degen maqaladan jaýap alasyzdar.
Qostanaı oblysyna qarasty qylmystyq ister jónindegi mamandandyrylǵan aýdanaralyq sotynda Ekonomıkalyq jáne sybaılas jemqorlyqpen kúres departamentiniń burynǵy qyzmetkerleriniń ústinen qozǵalyp otyrǵa qylmystyq is boıynsha sottyq protsess bastaldy. Bul jaıynda «Alash aınasy» gazetiniń juma kúngi nómirindegi «Qarjy polıtseıleri zańsyz úı satyp kelipti» degen maqalada keńinen baıandalǵan. Basylymnyń jazýynsha, qarjy polıtsııasynyń qyzmetkerleri balalar úıiniń tárbılenýshisine tıesili úıdi zańsyz ıemdenip, satyp jibergen.
***
«Kazahstanskaıa pravda» gazetiniń jazýynsha, QR Syrtqy ister mınıstri Erjan Qazyhanov Túrkııa Respýblıkasyna resmı sapary barysnyda atalǵan eldiń basshysy Abdolla Gúlmen kezdesti. Kezdesý barysynda Qazaqstan syrtqy saıasat vedomstvosynyń basshysy taıaýda Túrkııada ótken saılaýdyń nátıjesinde baılanysty Elbasy N.Nazarbaevtyń joldaǵan sálemin jetkizdi. Óz kezeginde Abdolla Gúl eki el arasyndaǵy ózara qarym-qatynasqa joǵary baǵa berdi. Maqala «Dınamıka krepkoı drýjby» degen taqyryppen berilgen.
