«Alash eli: keshe, búgin jáne erteń» atty ǵylymı-qoǵamdyq konferentsııa ótedi
ASTANA. 8 qazan. QazAqparat - 2012 jyldyń 9 qazanynda Almatyda «Jastar úni» qoǵamdyq birlestiginiń bastamasymen jáne Qazaqstan Respýblıkasy Mádenıet jáne aqparat mınıstrliginiń qoldaýymen
«Alash eli: keshe, búgin jáne erteń» atty taqyrypta ǵylymı-qoǵamdyq konferentsııa ótkiziledi dep habarlaıdy «Jastar úni» qoǵamdyq birlestiginen.
Konferentsııa barysynda jastarǵa t.ǵ.doktory, professor Mámbet Qoıgeldıev jáne jas saıasattanýshy-sarapshylar qoǵamdyq dáris oqıdy.
Konferentsııanyń negizgi maqsaty - Qazaq eli búgingi kúnde álem elderimen terezesi teń táýelsiz memleket boldy, ata-babalarymyzdyń uly armany men maqsaty oryndaldy. Sondyqtan birtutas turaqty elimizdiń ótkeni, búgini jáne keleshegi týraly jas azamattarymyzǵa keńinen taldaý, alash balasy men babasyn ańsaýǵa jetelegen Uly táýelsizdik qundylyǵyna tushymdy dálel-dáıek pen syndarly kózqaraspen toqtalý, qoǵamdyq zaıyrly áleýetti qalyptastyrýdaǵy tarıhı damý mańyzdylyǵyn anyqtaý jáne onyń basymdyqtaryn kórsetý bolyp tabylady.
Konferentsııa otyrysyna qoǵamdyq jáne úkimettik emes uıymdardyń ókilderi, JOO stýdentteri men oqytýshylary, otandyq ǵalymdar, BAQ ókilderi qatysady.
