"Alash aınasy" gazeti "Kóne túrki jazýyn úıreneıik!» jobasynyń qorytyndysyn jarııalady

dep habarlaıdy QazAqparat.

Túrik bitik dáristerin meńgerýge baǵyttalǵan bul sharaǵa kózi qaraqty oqyrmandar qyzý atsalysqan edi. Úzdik ondyqqa kirgender endi ózderiniń súıikti basylymyn barys jyly tegin alyp turatyn boldy. Onda bas júlde gazettiń Almaty qalasyndaǵy turaqty oqyrmany Amanbaı Baınımırovke buıyrdy. Jeńimpazǵa jobanyń bas demeýshisi «Eır Astana» áýe kompanııasy Úndistanǵa eki kisilik joldamany tabys etti. Júldeli úsh orynǵa ıe bolǵandarǵa redaktsııanyń alǵyshattary jáne «Arys» baspasy men «Almatykilem» kásiporny daıyndaǵan syılyqtar tapsyryldy.

Sondaı-aq Qazaqtyń Abaı atyndaǵy ulttyq pedagogıkalyq ýnıversıteti shyǵarǵan «Túrik bitik» kompıýterlik baǵdarlamasy tanystyrylyp, túrkitanýshy Nápil Bazylhan rýna jazýy týraly arnaıy dáris ótkizdi. Mereıtoılyq sharada «Turan» etnografııalyq ansambli men dástúrli mýzykanyń sheber oryndaýshylarynyń biri sanalatyn ánshi Erlan Rysqalı óz ónerin kórsetti. Balbaltasqa qashalǵan halyqtyń rýhanı murasyn nasıhattaıtyn «Kóne túrki jazýyn úıreneıik!» jobasyn basylym endi bıyl da jalǵastyrǵaly otyr.