«Alash-Aljır» jınaǵynyń alǵashqy tomdary jaryq kórdi
ASTANA. 25 qańtar. QazAqparat /Arman Asqarov/ - Búgin Aqmol aýylynynda ornalasqan saıası qýǵyn-súrgin qurbandarynyń «Aljır» memorıaldy-murajaı kesheninde mekeme ujymy shyǵarǵan «Alash-Aljır» eki tomdyq kitabynyń tanystyrylymy boldy.
«Alash-Aljır» kitaby elimizdiń 20 jyldyq mereıtoıyna jáne onyń basty qazynasy - totalıtarızm aýyrtpashylyǵyn birge kótergen Qazaqstan halqyna arnalady», - delingen redaktsııalyq alqanyń kirispe sózinde. Úsh tilde jaryq kórip otyrǵan eńbektiń birinshi tomynda «Alashorda» partııasynyń, táýelsiz jáne birtutas Túrkistan ıdeıasynyń kóshbasshylary týraly materıaldar jınaqtalǵan. Sondaı-aq osy tomda ótken ǵasyrdyń 30-50 jyldardaǵy saıası repressııalar men kúshtep jer aýdarý jaıynda jazylǵan maqalalar bar. Al kitaptyń ekinshi tomynda «Aljır» tutqyndarynyń sormańdaı taǵdyry týraly baıanalady. Bul basylymda sol kezdegi GÝLAG-qa qarasty Qaraǵandy eńbekpen túzeý lagerinde dúnıege kelgen 1507 balanyń tolyq tizimi de berilgen.
«Men úshin «Alash-Aljır» kitabynyń eki tomy sol kezdegi qasiretterge qoıylǵan taǵy bir eskertkish tárizdi. Bul kitap turaqty serııaǵa aınalyp, jaldan-jylǵa jalǵasatyn eńbek bolady dep senemin. Sebebi bul eńbekte berilgen tizimdegi árbir adamnyń artynda qanshama taǵdyr bar», - deıdi tarıhshy-ǵalym Tursyn Jurtbaı.
