Alapat «Nıda» taıfýny oıran salyp jatyr (VIDEO)

ASTANA. QazAqparat - Qytaıda «Nıda» taıfýny oıran salyp jatyr. Saldarynan Gonkongta qor bırjalaryndaǵy saýda-sattyq toqtatyldy, dep habarlaıdy 24.kz.

Sondaı-aq júzdegen áýe sapary keıinge shegerilgen. Shaharda poıyz ben avtobýs qozǵalysy toqtap tur. Jeldiń jyldamdyǵy saǵatyna 160 shaqyrymǵa deıin jetedi. Tolassyz jaýǵan nóser sońy sý tasqynyna ulasýy múmkin degen qaýip bar. Al aspan asty eliniń ońtústigindegi Gýandýn provıntsııasynda «Nıda» kesirinen 35 000 turǵyn óz úılerin tastap, qaýipsiz oryndarǵa kóshirilgen. Mektepter, keńseler men zaýyttardyń esigi tars jabyq tur.

Jalpy sınoptıkterdiń aıtýynsha, bul sońǵy 33 jyl ishindegi eń alapat taıfýn bolyp otyr.