Alań jıegine dáret syndyrǵan fýtbolshy qyzyl qaǵaz aldy

ASTANA. KAZINFORM – Perý kýbogynda oıynshylardyń biri match kezinde alań jıegine dáret syndyryp, ádepsiz áreketi úshin alańnan qýyldy.

«Kantorsılo» men «Atletıko Avahýn» komandalary arasyndaǵy Perý kýbogynyń ekinshi kezeńiniń alǵashqy kezdesýi 0:0 esebimen aıaqtaldy. Al, «Atletıko Avahýn» komandasynyń oıynshysy Sebastıan Mýnostiń ersi qylyǵy kezdesýdiń 72-mınýtynda oryn aldy. Dese de, on oıynshymen qalǵan «Atletıko Avahýn» komandasy qaqpasyna dop ótkizbeı, teń esepti saqtap qaldy.

Aıta keteıik, oıynshynyń bul áreketin bas tóreshi kórmeýi de múmkin edi. Alaıda «Kantorsılo» komandasynyń oıynshylary tóreshiniń nazaryn sol jaqqa buryp, aqyry degenderine jetti.

Esterińizge salsaq, buǵan deıin qoǵamdyq orynda dáret syndyrǵan elordalyq azamatqa aıyppul salynǵanyn jazǵan edik.