Alan Qurmanǵalıev ústel tennısinen halyqaralyq týrnırde «qola» aldy
ASTANA. QazAqparat - Qazaqstandyq Alan Qurmanǵalıev Slovakııada ústel tennısinen ótken WTT Youth Contender Senec halyqaralyq týrnırinde qola medal jeńip aldy, dep habarlaıdy QazAqparat QR Ulttyq olımpıada komıtetiniń saıtyna silteme jasap.
A.Qurmanǵalıev 19 jasqa deıingi sportshylar arasynda úzdik óner kórsetti. Ol Djamdıel Torresten (Pýerto-Rıko), Mıhal Vandahovıchten (Polsha), Stepan Brhelden (Chehııa), Rohelıo Kastrodan (Meksıka), Andre Bertelsmaıerden (Germanııa) basym túsip, úshinshi oryn aldy.
Sondaı-aq atalǵan týrnırde Qazaqstannyń taǵy bir ókili - Sanjar Jubanov úsh ret jeńiske jetip, 1/8 fınalǵa ótti.
