Alan Qurmanǵalıev Portýgalııadaǵy týrnırde «altyn» aldy
ASTANA. QazAqparat – Qaraǵandylyq, 16 jasar Alan Qurmanǵalıev Portýgalııanyń Vıla-Real qalasynda ústel tennısinen WTT Youth Contender týrnırinde jeńimpaz atandy, dep habarlaıdy QazAqparat tilshisi.
QR Ulttyq olımpıada komıtetinen málim etkenindeı, 17 jasqa deıingiler arasynda Alan qarsylastarynyń bárin utty.
Atap aıtqanda, ıspanııalyq Francheska Karrerany, kolýmbııalyq Hýan Ramıresti, frantsııalyq Noı Vıteldi, Pýerto-Rıko ókili Enrıke Rıosty, chehııalyq Martın Sıpti jeńdi. Sondaı-aq taǵy bir ıspanııalyq Danıel Berzosadan, rýmynııalyq Dragosh Býjoradan aılasyn asyrdy.
Osylaısha, Alan Qurmanǵalıev taǵy bir iri jarysta kózge túsip, altyn medaldi jeńip aldy.
