Alan Qurmanǵalıev pen Záýresh Aqasheva WTT Feeder Istanbul týrnırinde qola júlde aldy
ASTANA. KAZINFORM – Qazaqstandyq ústel tennısshileri Alan Qurmanǵalıev pen Záýresh Aqasheva Túrkııanyń Ystambul qalasynda ótken WTT Feeder Istanbul týrnırinde júldeger atandy.
Otandastarymyz aralas juptyq básekede qola medal jeńip aldy.
Jarys barysynda Qazaqstan quramasy Hakan Yshyq pen Ózge Iylmazdan quralǵan túrik jubyn 3:2, kanadalyq Edvard Lı men Mo Chjan tandemin 3:0, sondaı-aq grek sportshylary Anastasıos Rınıotıs pen Elısavet Terpý jubyn 3:1 esebimen jeńdi.
Alaıda fınal joldamasy sarapqa salynǵan kezdesýde Chhve Djıvýk/Kım Ynso (Ońtústik Koreıa) jubyna 1:3 esebimen ese jiberip, týrnırdi qola medalmen aıaqtady.
Buǵan deıin Qazaqstan quramasy tarıhta alǵash ret ústel tennısinen álem chempıonatynyń 1/8 fınalyna shyqqanyn jazǵan edik.
