Alaman báıgeden respýblıkalyq týrnır aıasynda at synshysy baıqaýy uıymdastyrylady
ASTANA. QazAqparat - Astana qalasy mańyndaǵy Qabanbaı batyr aýyly aýmaǵynda qyrkúıek aıynyń 14-kúni «Nur Otan» partııasynyń qoldaýymen ótkiziletin «Altyn tulpar» respýblıkalyq týrnırinde at synshysy baıqaýy uıymdastyrylady.
Atap aıtqanda, ata dástúrin jalǵap, shyn júırikti jazbaı tanyǵan synshyǵa «Tolybaı synshy», «Kúreńbaı synshy», «Keıhaýys synshy» atyndaǵy arnaıy júldeler taǵaıyndalǵan.
43 shaqyrymdyq alaman báıgege elimizdiń barlyq 14 oblysy men Astana, Almaty qalalarynyń árqaısysy 10 báıge attan qatystyryp, básekege túsedi dep josparlanýda. Jarysqa attardyń barlyq tuqymdary qatystyrylady.
«Altyn tulpar» alaman báıgesinde márege alǵash bolyp jetken 9 tulparǵa júlde beriledi. Jarys jeńimpazdary men júldegerleri aty ańyzǵa aınalǵan Qulager, Baıshubar, Qýbas, Qaraqasqa, Aqtaban, Boz aýyz, Taıbýryl, Kókbýryl, Shalqasqa, Tarlan at nomınatsııalary boıynsha dıplom jáne qarjylaı syılyqtarmen marapattalady.
Sondaı-aq ulttyq jádigerler kórmesimen ulttyq qólóner sheberleriniń sheberhana kórinisi uıymdastyrylyp, at taǵalaýshy sheberlerdiń jarysy ótedi, dep habarlaıdy Qazaqstan Respýblıkasy Ulttyq sport túrleri qaýymdastyǵynan.
