Alaman báıgeden Qazaqstan chempıonatynyń jeńimpazy 10 mln. teńge alady
ASTANA. QazAqparat - Alaman báıgeden Qazaqstannyń tuńǵysh chempıonatynyń jeńimpazy bas júldege 10 mln. teńge alady. Bul týraly QR Ulttyq sport túrleri qaýymdastyǵynan habarlady.
«Ultyq sport túrleri qaýymdastyǵy Astanada 14 qyrkúıekte ótetin alaman báıgeden tuńǵysh respýblıkalyq chempıonatqa daıyndyq jumystaryn qyzý júrgizip jatyr. Uıym basshylyǵy sharanyń ótetin ornyn, reglamentin, tóreshiler alqasyn, qatysýshylar quramyn talqylap, jınalys ótkizdi», delingen habarlamada.
Aıta keteıik, alaman báıgeniń qashyqtyǵy 43 shaqyrymdy quraıtyn bolady.
