Alakólge jetetin kól joq - Roza Rymbaeva
ALAKÓL.QazAqparat - 29 jasynda Qazaqstannyń halyq ártisi atanǵan Roza Rymbaeva týrısterdi Alakólge demalýǵa shaqyrdy, - dep habarlaıdy QazAqparat tilshisi.
Otandyq týrızmdi qoldap, Alakólde demalýdy dástúrge aınaldyrǵan Qazaqstannyń eńbek sińirgen ártisi kóldiń shıpaly sýyna tánti ekenin jetkizdi. Ol Alakóldiń jaǵalaýynda turyp, arnaıy vıdeojazba arqyly demalystan alǵan áserimen bólisti.
«Qadirli qaýym. Men Alakóldiń jaǵasynda turmyn. Bir juma demalyp, kúsh jınap, Almatyǵa qaıtaıyn dep turmyn. Alakólge kelińizder, bul bizdiń qazaǵymyzdyń baılyǵy. Alakólge jetetin sý joq. Kól joq. Teńiz joq. Bul jer aýyl. Tsıvılızatsııadan dem alyp, aýyldyń tútinin, aýyldyń shańyn, aýyldyń aýasyn jutyp, kúsh jınap, Almatyǵa qaıtyp baramyn. Alakólge kelińizder, rahatyn kórińizder», - dedi Roza Rymbaeva.
Al Alakól aýdany ákiminiń baspasóz hatshysy Aıjan Imanasova Roza Rymbaeva jylda Almaty oblysyndaǵy Alakól jaǵalaýynda demalatynyn jetkizdi.
«Tanymal ánshi Roza Rymbaeva bıyl 15-shi tamyzdan bastap demaldy. Uly Álı de bir aı buryn ǵana kólge kelgen bolatyn. Negizinen Roza Rymbaeva bizdiń aýdannyń kelini ǵoı. Marqum Tasqyn Oqapov Jaıpaq aýylynyń týmasy. Sondyqtan da bolar, Roza hanym jylda Alakól aýdanyna kelip, jergilikti turǵyndarǵa kontsertin qoıyp, halyqty shat-shadyman kóńilge bólep, qýantyp turady», - dedi Aıjan Imanasova.
Jalpy Alakól aýdany basshylarynyń málimetinshe, qazirdiń ózinde kólge kelgen demalýshylar sany 1 mln-nan asqan.
Foto: mtdata.ru
