Alakólge qatynaıtyn poıyz baǵyttary men bılet quny belgilendi
«Búginde Alakólge birneshe óńirden poıyzdar qatynaıdy. Sonyń biri «Nur-Sultan-Dostyq» baǵyty, al 20 maýsymnan bastap atalǵan baǵyt boıynsha taǵy bir qosymsha poıyz qatynaı bastaıdy. Al Almatydan 18 maýsymnan bastap «Almaty-Dostyq» poıyzy júre bastaıdy. Tasymaldaýshy «Vagon Service Almaty», sonymen qatar Almaty 2-Dostyq» baǵyty boıynsha da poıyz jelisin iske qosý josparlanyp otyr, - dedi «Jolaýshylar tasylmaly» AQ bas dırektorynyń orynbasary Vıktor Boshmann.
Odan bólek, Alakólge ShQO-dan «Semeı-Dostyq», «Óskemen-Dostyq» jáne «Aqtoǵaı-Dostyq» poıyzdarynyń júretindigi aıtyldy.
«Jalpy Dostyqqa 1 ulttyq jáne 3 jeke tasymal kompanııasynyń poıyzdary qatynaıdy. Qazirgi ýaqytta barlyq baǵyttar boıynsha aldaǵy 45 kúnge 76 myń poıyz bıleti satylymǵa shyqty. Al aldaǵy 45 kúnge 45 myń bılet satyldy. Poıyz bıletteri kún saıyn tańǵy saǵat 7-den aldyn ala 45 kúnge satyla bastaýda. Erkin satylymda 30 myńdaı bılet qaldy. Qalǵan bıletterdiń barlyǵy Alakólge nemese kerisinshe baǵyttaǵy poıyzdarǵa tıesili», - deıdi ol.
Onyń aıtýynsha, Alakólge Almaty qalasynan poıyz bıletiniń tapshylyǵy baıqalady. Kúnine 264-ten 728 bıletke deıin satylady.
