Alakólge aǵylǵan týrıster aǵynyna baılanysty jolda qaýipsizdik sharalary kúsheıtildi

ASTANA. KAZINFORM – Abaı oblysy Maqanshy aýdany aýmaǵynda jol-kólik oqıǵalarynyń aldyn alýǵa baǵyttalǵan profılaktıkalyq is-sharalar kúsheıtilgen rejımde júrgizilip jatyr.

Jaz maýsymynda Alakól kóline kelýshi týrıster sany kúrt artyp keledi. 

Polıtsııa qyzmetkerleri júrgizýshilermen túsindirý jumystaryn júrgizip, jolda júrý erejelerin qatań saqtaý qajettigin eskertip keledi.

Áńgime barysynda jyldamdyqty asyrmaý, mas kúıinde rýlge otyrmaý, jaıaý júrginshilerge jol berý, qaýipsizdik beldigin taǵý sekildi negizgi erejeler mindetti túrde saqtalýy tıis ekeni eske salynýda.

Sonymen qatar jol boıynda arnaıy jyljymaly medıtsınalyq pýnktter de uıymdastyrylyp, júrgizýshilerdiń densaýlyq jaǵdaıy tekserilip jatyr.

Medıtsınalyq tekserýdiń maqsaty — jol ústinde kútpegen jaǵdaılardyń aldyn alyp, júrgizýshiniń jolda ózin jaqsy sezinýin qamtamasyz etý.

Maqanshy aýdany aýmaǵynda ótkizilip jatqan bul aldyn alý sharalary — jol-kólik oqıǵalaryn azaıtý, týrıster men jergilikti turǵyndardyń ómiri men qaýipsizdigin qamtamasyz etý baǵytyndaǵy júıeli jumystyń bir bóligi.

Aıta ketelik Alakól jańaryp, jaǵalaý men joldar jóndelip, qaýipsizdik sharalary kúsheıtilgeni týraly jazǵan edik.