Alakóldiń týrıstik jáne ınvestıtsııalyq áleýeti joǵary – Berik Ýálı

ASTANA. KAZINFORM — Bıyl Alakóldiń ınfraqurylymyna jergilikti bıýdjetten 1 mlrd teńge bólindi. Bul týraly óńir ákimi Berik Ýálı málim etti. 

— Prezıdenttiń tapsyrmasyna sáıkes oblysta týrıstik ınfraqurylymdy damytýǵa baǵyttalǵan aýqymdy jobalardy júzege asyrý jalǵasady. Sonyń biri Alakól jaǵalaýynyń týrıstik jáne ınvestıtsııalyq áleýeti joǵary. Jyldar boıy qordalanǵan, ásirese ınfraqurylymǵa qatysty problemany bir maýsymda ǵana sheshý árıne múmkin emes. Degenmen, Alakól jaǵalaýynda demalýshylar úshin qolaıly jaǵdaı jasap, onyń ınfraqurylymyn damytý boıynsha naqty sharalar qabyldandy, — dedi Berik Ýálı ortalyq kommýnıkatsııalar qyzmeti alańynda óńirdiń 9 aı ishindegi áleýmettik-ekonomıkalyq damýy týraly esep bere turyp.

Oblys ákiminiń esebinshe, bıyl Alakóldiń ınfraqurylymyna jergilikti bıýdjetten 1 mlrd teńge bólindi.

— Kól jaǵalaýyndaǵy Qabanbaı aýylynda qutqarý stantsııasy jáne órt sóndirý deposynyń qurylysy bastaldy. Qazir týrıstik aımaqqa jańa elektr jelisin tartý, qatty turmystyq qaldyqtar polıgonyn salý boıynsha jobalyq-smetalyq qujattama ázirlenip jatyr. Barlyq jumys josparǵa sáıkes júzege asyryldy, — dep tolyqtyrdy Berik Ýálı.

Jyl sońynda deıin Abaı oblysynda 255 jumys ornymen qamtıtyn 7 joba júzege asyrylady.