17:18, 08 Qańtar 2025 | GMT +5
Alakóldik qoryqshylar muz ústinde júre almaı qalǵan elikti qutqardy
TALDYQORǴAN. KAZINFORM - Jetisý oblysynda qoryqshylar muzda jatyp qalǵan sibir eligin qamysty jaǵalaýǵa shyǵardy.
Áleýmettik jelide qoryqshylardyń elikti qurǵaqqa shyǵaryp jatqan jazbasy tarady. Alakól memlekettik tabıǵı qoryǵynyń qyzmetkerleri reıdtik is-sharalar barysynda muz ústine shyǵyp, júre almaı qalǵan sibir eligin kezdestirgen.
Inspektorlar janýardy jaǵalaýǵa jetkizip, qaýipsiz jerge bosatty.
- 9, 10-shy aınalymdardy kól jaǵalaýlaryn baqylaý barysynda muzda júre almaı qalǵan elikti kórdik. Álsirep qalǵan janýar jaǵalaýǵa jiberildi, - delingen jazbada.
Eske salaıyq osyǵan deıin Jetisý oblysynda brakonerden 100 keliden asa balyq, 16 dana temir tor tárkilengenin jáne TJM qutqarýshylary qar qursaýynan 2 adamdy qutqarǵanyn jazǵanbyz.