Alakóldiń jaǵasynda ótken festıvalge 5 myńnan astam týrıst jınaldy
ÚRJAR. QazAqparat - Shyǵys Qazaqstan oblysy, Alakól jaǵalaýynda oblystyq týrızm jáne syrtqy baılanystar basqarmasynyń uıymdastyrýymen bıyl ekinshi jyl qatarynan «Alakól alaýlary» atty festıval ótti, dep habarlaıdy QazAqparat tilshisi.
Іs-sharaǵa 5 myńnan astam týrıst qatysty. Onyń ishinde Reseı, Qytaı, Qyrǵyzstan, Fınlıandııa memleketterinen kelgen týrıster bar. Bıylǵy jyly demalys aımaǵyna aýqymdy jumystar júrgizilip, jańartylǵan jaǵajaı barlyq qonaqtar men týrısterdi tań qaldyrdy.
Festıvaldiń ashylý saltanaty KTK oıynymen bastaldy. Oǵan oblystaǵy qalalar men aýdandardan kelgen komandalar qatysty. Jastar Úrjar aýdany ákiminiń kýbogy úshin baq synady. Qazylar alqasynyń sheshimi boıynsha Óskemen qalasynyń «Goold» komandasy jeńimpaz atandy. Al ekinshi oryndy Abaı aýdanynyń «Sálem» quramasy alsa, «Úrjar jastary» komandasy úzdik úshtiktiń qataryn tolyqtyrdy.
Festıvaldiń jalǵasy Semeı qalasy mádenıet úıi ónerpazdarynyń merekelik kontsertine ulasty. Onda «Tarbaǵataı juldyzdary» baıqaýynyń jeńimpazy Maǵjan Kákitaev, «Shyńǵystaý áýenderi - 2017» baıqaýynyń bas júlde ıegeri Janbolat Sharıpov, shoý balet «Eksklıýzıv», «Samuryq» toptary óner kórsetti.
Sondaı-aq, festıval barysynda Shyǵys Qazaqstan oblysynyń týrızm jáne syrtqy baılanystar basqarmasy týrıster arasynda Toureast.kz saıtynda úzdik týrıstik ortalyq jáne Alakól kóliniń jaǵasynda týrısterge qyzmet kórsetetin eń jaqsy meıramhana úshin baıqaý jarııalaǵan bolatyn.
Onlaın daýys berý nátıjeleri boıynsha «Alakól Arasan» demalys úıi «Eń jaqsy demalys orny - 2018» nomınatsııasy boıynsha jeńimpaz atansa, «2018 jyldyń úzdik meıramhanasy» nomınatsııasyn «Parýs» demalys bazasynyń meıramhanasy jeńip aldy.
Festıval sońy keremet otshashýmen aıaqtaldy.
Aıta keteıik, Shyǵys Qazaqstan oblysynda týrızmdi damytýdyń negizgi nysandarynyń biri - Alakól kóliniń jaǵalaýy. Sońǵy eki jylda oblys bıýdjetinen jaǵalaýdy jaqsartý úshin shamamen 6 mlrd teńge bólindi.
