Alakóldiń 12 shaqyrymdyq jaǵalaýyn bekitý qajet - ákimdik
TALDYQORǴAN. QazAqparat - Almaty oblysyndaǵy Alakóldiń jaǵalaýyn sý shaıyp jatyr. Bıyl jergilikti bılik dál kóldiń jaǵalaýynda ornalasqan bir otbasyn alty birdeı balasymen basqa aýylǵa kóshirgen, dep habarlaıdy QazAqparat tilshisi.
«Alakól kóliniń 12 shaqyrymdyq jaǵalaýyna kúsheıtý jumystary júrgizilýi qajet. Bıyl joba-smetalyq qujat daıyn bolsa, kúzde bul jumystardy bastaımyz dep josparlap otyrmyz», - dedi Alakól aýdany ákiminiń orynbasary Aıdyn Chalkenov.
«Alakóldiń jaǵalaýyn bekitý jumystary qolǵa alynady» degendi jylda estıtin jergilikti turǵyndar endi jaýapty mamandar sózden iske kóshse, dep tileıdi. Sebebi turǵyndar barlyǵy tek qujat júzinde qala ma dep qorqady.
Aıta ketý kerek, 15 jyldyń ishinde kóldiń jaǵalaýyn sý shaıyp, Kóktuma aýylyndaǵy eki kóshe kóldiń astyna ketken. Al aýyl halqy ekpini kúshti jel kúz jáne kóktem mezgilinde qatty soǵyp, jaǵalaýdy sý shaıatynyn aıtady. 
