Alakóldik kásipkerler 20 jasandy tynys alý apparatyn aýrýhanaǵa syıǵa tartty
TALDYQORǴAN. QazAqparat - Almaty oblysyndaǵy Alakól aýdanynyń kásipkerleri 20 jasandy tynys alý apparatyn aýrýhanaǵa syıǵa tartty, dep habarlaıdy QazAqparat tilshisi.
«Búgingi kúni aýdan kásipkerleri men qaıyrymdy azamattary dertke shaldaqqan naýqastarǵa qoldaý kórsetip, bul synaqty eńserýge ózderiniń zor úlesterin qosýda.
Osyndaı jomart júrekti jandardyń biri «Yrys« ShQ men «Aımanbetov« JK basshysy Ryskeldi Aımanbetov aýdandyq aýrýhanaǵa jalpy quny 5 mıllıon turatyn 20 jasandy tynys alý apparatyn syıǵa tartyp, aýrýǵa shaldyqqandarǵa kómegin tıgizsin degen tilegin bildirdi», - dedi Alakól aýdanynyń ákimi Álıbek Jaqanbaev.
Almaty oblysynda indetti juqtyrǵandardyń jalpy sany - 4828, onyń 4202 jazylyp shyqty. 41 adam kóz jumdy.
