Alakóldegi jarylystan zardap shekken tórt jumysshy jansaqtaý bóliminde jatyr
ALAKÓL. QazAqparat - Almaty oblysynyń Alakól aýdanyndaǵy memlekettik tabıǵı qoryǵynda zardap shekken jeti adamnyń tórteýi jansaqtaý bóliminde jatyr. Dárigerler olardyń jaǵdaıyn turaqty aýyr dep baǵalaýda, - dep habarlaıdy QazAqparat tilshisi.
«Sáýirdiń 10-y kúni kúndizgi saǵat 15:00-der shamasynda Alakól aýdandyq ortalyq aýrýhanasyna oqıǵa bolǵan jerden 8 naýqas ártúrli dene jaraqattarymen tústi. 8 naýqastyń bireýi dene jaraqattarynyń aýyrlyǵyna, kóptigine baılanysty jasalǵan shuǵyl medıtsınalyq kómekke qaramastan qaıtys boldy. Qalǵan 7-i naýqastyń 4-ýi jansaqtaý bóliminde em alýda. Olardyń úsheýine ota jasaldy. Qazirgi tańda tórt naýqastyń jaǵdaıy turaqty aýyr. Qalǵan úsh naýqas travmatologııa bóliminde jatyr. Ol naýqastardyń jaǵdaıy ortasha aýyr», dedi Alakól aýdandyq ortalyq aýrýhanasynyń dárigeri Jandos Sadyqov.
Esterińizge sala keteıik, Sáýirdiń 10 kúni kúndizgi saǵat 15:00-der shamasynda avtotsısternanyń sorǵyshyna jóndeý jumystaryn júrgizý kezinde jarylys bolyp, 8 adam zardap shekti. Olardyń jeteýi osy qoryqtyń qyzmetkerleri.
Dárigerlerdiń aıtýynsha, zardap shekkenderdiń eń kishisi 24 te bolsa, úlkeni 66 jasta. Osy 66 jastaǵy er azamat alǵan dene jaraqattarynyń aýyrlyǵynan jan tapsyrdy.
