Alakóldegi festıval halyqaralyq mártebege ıe bolady
ÓSKEMEN. QazAqparat - Keler jyly Alakóldegi festıval halyqaralyq mártebege ıe bolady, dep habarlaıdy QazAqparat tilshisi.
«Alakol-2018» festıvalin uıymdastyrýshylar otandyq jetekshi rejısserlardy jınap, alǵashqy halyqaralyq konkýrstyń baǵdarlamasyn ázirlemek.
«Alakólge kelýshi týrısterdiń sany jyl sanap artyp keledi. Demalys esten ketpes oqıǵaǵa aınalýy úshin keler jylǵy festıvaldy halyqaralyq deńgeıde ótkizý josparlanyp otyr. Bul týraly Alakólge jumys saparymen barǵan óńir basshysy Danıal Ahmetov málim etti», - deıdi óńirdiń aqparattyq ortalyǵynyń ókilderi.
Bıyl festıvalǵa myńdaǵan adam jınaldy. Arnaıy shaqyrylǵan qonaqtardyń arasynda «Astana Opera» teatrynyń jetekshi solısi Súndet Baıǵojın, QR eńbek sińirgen mádenıet qaıratkeri Gúlmıra Sarına, X-Factor Kazakhstan konkýrsynyń qatysýshylary - «Metstso» toby, qazaq estradasynyń tanymal hıtteriniń kompozıtorııa Іlııas Ábdirazaqovtar boldy.
Kórermender ártistermen birge án shyrqap, bı bıledi.
Súndet Baıǵojınniń aıtýynsha, jyl saıyn Alakólge óner kórsetý úshin keletin belgili ánshiler kóbeıe túseri anyq.
