Alakóldegi festıvaldi 10 myńnan asa demalýshy tamashalady
ÓSKEMEN. QazAqparat - Úrjar aýdanyndaǵy Alakól jaǵalaýynda alǵash ret ótkizilgen jazǵy festıvaldi 10 myńnan asa demalýshy tamashalady, dep habarlaıdy «QazAqparat» HAA tilshisi.
Óńirdiń týrıstik aqparat ortalyǵynyń dırektory Symbat Ramazanovtyń aıtýynsha, bıyl Alakól qonaqtardy jańa jaǵalaýy, jergilikti arbaty men ıgilendirilgen jaǵajaıymen ǵana emes, mádenı-kópshilik baǵdarlamalarymen de tańqaldyrdy.
Alǵash ret ótkizilgen «Alakól alaýlary» jazǵy festıvali qonaqtardy eki kún boıy qýanyshqa bóledi. «Festıvalge Eýropa men Ortalyq Azııa, Qytaı, Reseı elderinen kelgen týrıster qatysty. Adamdar alǵan áserleri men jaqsy pikirlerimen áleýmettik jelilerde bólisip, sýretter júktedi.
Festıvalge Óskemen aspaptyq toby qatysty, faıer-shoý, otshashý, túrli sporttyq-oıyn-saýyq konkýrstary uıymdastyryldy, fotoaımaqtar jumys istedi jáne osy eki kún boıy kóptegen qyzyqty baǵdarlamalar boldy, - dedi S.Ramazanov.
Shyǵys Qazaqstandaǵy Alakól jaǵalaýy týrızmdi damytý úshin negizgi nysandardyń biri bolyp tabylady. Bıyl alǵash ret oblystyq bıýdjetten jaǵalaýdy abattandyrý úshin 500 mln 580 myń teńge bólindi. Qazan aıynyń sońynda 1 mlrd 305 mln teńge somasyna eseptelgen Maqanshy-Jalańashkól baǵytyndaǵy joldy jóndeý jumystarny aıaqtalady.
