Alakóldegi dýatlon jarysynyń jeńimpazdary anyqtaldy

TALDYQORǴAN. QazAqparat -  Búgin Jetisý jerindegi Alakól jaǵalaýynda  dýatlonnan uıymdastyrylǵan jarys óz máresine jetti. Jeńimpazdar jas erekshelikterine baılanysty úsh sanat boıynsha marapattaldy, dep habarlaıdy QazAqparat tilshisi.

16-29 jas aralyǵyndaǵylar arasynda birinshi oryndy Qudaıbergen Zeınollaev, 30-39 jas aralyǵynda - Qaırat Shaımýrdın, 40-49 jas aralyǵynda Sábıt Taımekenov qanjyǵalady. Máre syzyǵyn birinshi bolyp kesken jeńimpazdar men ekinshi, úshinshi oryn ıelerine  arnaıy alǵys hattar men baǵaly syılyqtar  tabys etildi. Júldelerdi QR Mádenıet jáne sport mınıstri Arystanbek Muhamedıuly, Olımpıada chempıondary men estrada juldyzdary tabystady.

Jarysqa qatysyp, buqaralyq sporttyń damýyna  óz úlesterin qosqan kishkentaı balalar da eleýsiz qalmady. Temirqulovtar januıasynyń kishkentaılary Álim  men Ádil Arystanbek Muhamedıulynyń qolynan syılyq alyp, máre-sáre boldy. Balalarǵa uıaly telefon syılyqqa berildi.

Sporttyq saıysty  tamashalaýǵa  kól jaǵalaýynda demalyp jatqan týrıster de  kóptep jınaldy. Shara barysynda jaryspen qatar kontsert te uıymdastyryldy. Keshtiń kórkin Jeńis Seıdollauly, «NurMuqasan» tobynyń múshesi  Muqasan Shahzadaevtar qyzdyrdy. 

Aıta ketý kerek, «Alakól - 2017»  oblystyq dýatlon jarysyna 70-ke jýyq adam qatysty. Sportshylar 14 shaqyrym joldyń bir bóligin júgirip, bir bóligin velosıpedpen júrip ótti.