Alakóldegi demalýshylar arasynda koronavırýs anyqtalmasa shekteýler alynady

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov Alakólge jumys saparymen baryp, jazǵy maýsymnyń ashylýyna baılanysty kásipkerlermen sanıtarlyq-epıdemıologııalyq talaptardy saqtaý boıynsha kezdesý ótkizdi, dep habarlaıdy QazAqparat tilshisi.

Búginde Shyǵys Qazaqstanda koronavırýs juqtyrǵandar sany 204-ke jetti. Onyń ishinde 23-i syrttan kelgen. Vırýske shaldyqqandar Úrjar aýdanynda da tirkeldi. Osy aýdanda 14 adam koronavırýs ınfektsııasyn juqtyrǵan.

«Alakólge jetý úshin aýdandaǵy 11 aýyldy basyp ótý kerek. Máselen, Úrjar aýdanynda 72 myń halyq turady. Jaǵalaýdaǵy serýendeý jáne sýǵa túsý aımaǵynyń jalpy qoldanystaǵy aýmaǵy 2 shaqyrymdy quraıdy. Onda 12 myń adam júre alady. Al bul demalýshylardyń jappaı aýrýyna ákelip soǵýy múmkin. Ótken jyly Alakólge 700 myńnan astam adam keldi. Bıylǵy maýsym aıynda Alakóldiń shyǵys jaǵalaýyndaǵy qonaqúılerge kelýshilerdiń jalpy sany táýligine 12 myńnan asyp ketken. Sondyqtan aýrý juqtyrýdy azaıtý maqsatynda demalýshylardan COVID-19 testinen ótkeni jáne juqtyrmaǵany jóninde anyqtama talap etiledi. Anyqtamanyń ýaqyty jaramsyz bolmaýy kerek», - dep habarlady ShQO ákiminiń baspasóz qyzmetinen.

Aıta keteıik, Alakólge kireberiste jyljymaly medıtsınalyq pýnkt jumys isteıdi. Onda testileýden ótip, anyqtamany alýǵa bolady. Eger naýqastar anyqtalsa, Úrjar aýdandyq aýrýhanasyna jetkiziledi. Qabanbaı aýylynda 12 oryndyq ınfektsııalyq statsıonar men arnaıy apparattar bar.

Kól jaǵalaýyndaǵy týrızm nysandarynyń daıyndyǵyn tekserý maqsatynda 3 monıtorıngilik top qurylǵan. 5-9 maýsym aralyǵynda 175 demalys orny tekserildi. Qazirgi kúni 72 demalys orny sanıtarlyq-epıdemıologııalyq qaýipsizdik sharalaryn oryndaýǵa ishinara kirisip ketti. Qalǵan 10-y áli daıyndyqty bastaǵan joq.

Barlyq demalys oryndary men ózge de nysandardyń kelýshilerdi qabyldap alýǵa daıyndyǵyn rastaıtyn aktini monıtorıngilik toptan almaı, jumysqa kirisýge quqyǵy joq. Búginde birde-bir kásipkerge mundaı akti berilmegen.

Kezdesý barysynda Danıal Ahmetov kásipkerlerge eshqandaı ózara kelisimniń bolmaıtynyn atap aıtty.

«Sizder barlyq talapty saqtap, tıisti aktini alyp, ary qaraı normalardy oryndap, jumys isteı alasyzdar. Áıtpese, demalys oryndary jabylady. Qazirgi basty mindet – qazaqstandyqtardyń ómiri men densaýlyǵyn saqtap qalý. Paıda tabýdy emes, demalýshylardyń qaýipsizdigin oılańyzdar», - dedi aımaq basshysy.

Jazǵy maýsym barysynda monıtorıngilik top jumysyn jalǵastyrady. Top músheleri demalys oryndaryn, qoǵamdyq tamaqtaný jáne ózge de nysandardy júıeli túrde tekserýdi kózdep otyr.

Kóptegen kásipkerlerdiń ótinishi boıynsha ShQO ákimi bıznes nysandaryn toltyrý úshin jańa usynys aıtty. 13-23 maýsym aralyǵynda jaǵalaýdaǵy demalýshylar arasynda kornavırýs ınfektsııasy anyqtalmasa, demalys oryndarynyń ıelerine qonaqúı nómirlerin 75 paıyzǵa deıin toltyrýǵa múmkindik beriledi. Eger jaǵalaýdaǵy jaǵdaı turaqty bolsa, barlyq nysan 1 shildeden bastap tolyq jumysqa kirisedi.

Esterińizge sala ketsek, Alakólde demalýshylardan koronavırýs juqtyrmaǵandyǵy týraly anyqtama talap etiledi.

Bıyl Alakól aımaǵy 13 maýsymnan bastap demalýshylardy qabyldaıdy. Alaıda ázirge Alakóldegi demalys oryndarynyń kóbisi týrısterdi qabyldaýǵa daıyn emes.