Alakóldegi 94 demalys bazasy Ashyq jobasyna qosylǵan
ShQO Sanıtarlyq-epıdemıologııalyq baqylaý departamentiniń málimetine súıensek, Úrjar aýdanynda 188 demalys bazasy tirkelgen. Onyń ishinde 163 nysanǵa epıdemıologııalyq qorytyndy berildi. Al 25-inde qurylys-jóndeý jumystary júrgizilip jatyr.
«Búginde 121 nysan daıyndyq aktisin aldy. «Ashyq» jobasyna kirgen demalys bazalarynyń sany – 94. Mamandar COVID-19 ınfektsııasy taralýynyń aldyn alý jáne «Ashyq» jobasyn aıasynda qyzmet kórsetý tártibi týraly túsindirý jumystaryn júrgizýde», - delingen aqparatta.
Oblystyń týrıstik-rekreatsııalyq aımaqtarynda ornalasqan obektilerge kelýshiler kireberiste óz statýsyn anyqtaý úshin «Ashyq» mobıldi qosymshasynyń arnaıy QR-kodyn skanerleýi tıis. Ǵalamtor jelisi bolmaǵan kezde, mobıldi qosymsha isten shyqsa nemese ózge de sebepter bolǵan jaǵdaıda demalýshylar berilgen kúninen bastap úsh táýlikten (72 saǵattan) aspaǵan teris nátıjesi bar PTR-synamasyn, COVID-19 ınfektsııasyna qarsy vaktsınatsııalaýdyń tolyq kýrsyn alǵanyn rastaıtyn qujatty nemese Damumed medıtsınalyq servısinen eńbekke ýaqytsha jaramsyzdyq paraǵyn usyna alady. «Sary» jáne «qyzyl» mártebesi bar azamattarǵa týrıstik-rekreatsııalyq aımaqtarǵa barýǵa tyıym salynǵan.
