Alakólde arnaıy jasaq qyzmetkeri esinen tanyp qalǵan jigittiń ómirin saqtap qaldy
ASTANA.KAZINFORM - Alakól jaǵalaýynda qoǵamdyq tártip pen azamattardyń qaýipsizdigin qamtamasyz etý maqsatynda patrýldeý júrgizip júrgen Abaı oblysy PD arnaıy jasaq qyzmetkerleri demalys bazalarynyń biriniń mańynda kenetten esinen tanyp qalǵan jas jigitti baıqaǵan.
Onyń jaǵdaıy kúrt nasharlap, tynys alýy qıyndaǵan. Jaǵdaıdyń shuǵyl ekenin eskergen JQAJ aǵa ınspektory Aslanbek Abdeldınov ýaqyt ozdyrmaı alǵashqy medıtsınalyq kómek kórsetti.
Kásibı ári jedel árekettiń nátıjesinde jigittiń tynys alýy qalpyna keldi. Odan keıin polıtsııa kapıtany jigitti qaýipsiz qalypqa jatqyzyp, jedel medıtsınalyq járdem brıgadasy kelgenge deıin onyń jaǵdaıyn baqylaýda ustady.
Osy ýaqytta arnaıy bólimsheniń ózge qyzmetkerleri jedel járdem kóligin qarsy alyp, medıtsına qyzmetkerlerine oqıǵa ornyna eń qysqa jolmen jetýge kómektesti. Jas jigit medıtsına qyzmetkerlerine tapsyryldy.
Qazirgi ýaqytta onyń jaǵdaıy turaqty, ómirine qaýip tónip turǵan joq.
Aıta keteıik, Oralda polıtseıler 7-qabat terezesinen qulap kete jazdaǵan balany qutqardy.
