Alakólde týrızmnen 1 mlrd teńge salyq túsedi dep otyrmyz – ákim

Abaı oblysynyń ákimi Nurlan Ýranhaev Jibek Joly telearnasynyń efırindegi Erbolat Muhamedjannyń «Ýáde» baǵdarlamasynda Alakólde týrızmdi damytý týraly aıtty, dep habarlaıdy QazAqparat tilshisi.

«Týrızmge kelsek, ol bizdiń Alakól. Qazir onda 300-den astam baza jumys istep jatyr. Alakóldegi týrızmdi damyta túsý úshin bıznes ókilderimen kezdesip, jol kartasyn ázirledik. Degenmen salyq tómen, byltyr Alakóldegi týrızmnen túsken salyq 18 mln teńge. Óte az. Al jyl sońyna deıin Alakóldegi týrızmnen 1 mlrd teńge salyq túsedi dep kútip otyrmyz», - dedi Nurlan Ýranhaev suhbat barysynda.

Ákimniń aıtýynsha, salyq kólemin arttyrýda týrızmdegi bıznes ókilderine úmit artyp otyr.

«Alakóldiń sýy men qatar balshyǵy da paıdaly. Odan balshyq kýrortyn ashýǵa bolady», - deıdi ol.
Buǵan deıin Abaı oblysynyń ákimi bıylǵy bıýdjet týraly sóz etken edi.