Alakólde týrıster sany artyp keledi
ASTANA. QazAqparat - 2017 jyly Alakólde 750 myń adam demalǵan, dep habarlaıdy QazAqparat tilshisi.
«Bıyl oblys boıynsha týrısterge qyzmet kórsetý kólemi 1,5 mıllıon adamnan asqan, sonyń ishinde bir ǵana Alakólge 750 myń adam kelgen", - dep habarlady Almaty oblysynyń ákimi Amandyq Batalov Ortalyq kommýnıkatsııalar qyzmetinde ótken baspasóz máslıhatynda. 
Óńir basshysynyń aıtýynsha, kól jaǵasyndaǵy ınfraqurylymdy damytýǵa jergilikti bıýdjetten 2,6 mlrd teńge bólindi. Temir jol qatynasy jolǵa qoıylyp, Úsharal qalasynda áýejaı turǵyzyldy jáne temir jol vokzalynyń qurylysy bastalyp ketti.
Oblys ákimi keltirgen derekterge sáıkes, úsh jylda óńirdegi aqyly týrıstik-saýyqtyrý qyzmetteriniń kólemi 40%-ǵa artyp, 5,5 mlrd teńgeni quraǵan.
