Alakólde toı kortejiniń qatysýshylary jaýapqa tartyldy - ShQO
ÓSKEMEN. QazAqparat - Polıtseıler Alakól jaǵalaýyndaǵy toı korteji qatysýshylarynyń kim ekenin anyqtap, ákimshilik jaýapqa tartty, dep habarlady ShQO ІІD-de «QazAqparat» HAA tilshisi.
«Úrjar AІІB jergilikti polıtsııa qyzmetkerleri 13 tamyzda keshki 19-00-de jol erejesin buzyp, demalys aýmaǵynan ótken barlyq kólikterdi anyqtady. Zań buzǵany úshin toı kortejine qatysqan - 7 kólik júrgizýshisine 14 ákimshilik hattama toltyryldy. Olarǵa qatysty 158 830 teńge ákimshilik aıyppul salyndy», - dep habarlady ІІD habarlamasynda.
Eske salsaq, ótken demalysta Alakól mańynda jáne áleýmettik jelide jurtshylyqtyń narazylyǵyn týdyrǵan jaǵdaı boldy. Toı korteji jaǵalaýda demalýshylardyń janynan ótkenimen qoımaı, oryndyqtardy qulatyp ketken. Oqıǵa vıdeoǵa túsirilip, quqyq qorǵaý organdaryna berilgen.
