Alakólde sý mototsıkli demalýshynyń aıaǵyn julyp ketti

TALDYQORǴAN. QazAqparat - Alakólde demalýshynyń aıaǵyn sý mototsıkliniń eskishi julyp ketti, - dep habarlaıdy QazAqparat tilshisi.

Oqıǵa 30 shilde kúni Jetisý oblysy Alakól aýdanynyń Aqshı aýylyndaǵy kól jaǵalaýynda bolǵan.

1984 jylǵy zardap shegýshi Alakól aýdanynyń aýrýhanasyna jetkizildi. Onyń sol aıaǵyn julyp áketken.

«Qazir naýqastyń jaǵdaıy aýyr. Ol arnaıy apparattyń kómegimen tynys alýda. 1984 jyly týǵan patsıent Alakól aýdandyq aýrýhanasyna 30 shilde kúni saǵat 16:10 kelip tústi. Alǵan jaraqaty saldarynan patsıenttiń sol aıaǵy julynyp ketken. 3-4 satydaǵy travmatıkalyq shok alǵan. Jedel túrde sol aıaǵyna operatsııa jasaldy. 31 shilde kúngi málimet boıynsha patsıenttiń jaǵdaıy óte aýyr. Jansaqtaý bóliminde em qabyldap jatyr», - delingen Jetisý oblystyq densaýlyq saqtaý basqarmasynyń baspasóz qyzmetiniń habarlamasynda.

Polıtsııa QR QK 344-baby boıynsha qylmystyq is qozǵap, tergeý júrgizip jatyr.