Alakólde shomylý maýsymy qashan bastalady

Kýrorttyq aımaqqa kireberisterde týrısterge arnalǵan baǵyttaýshy belgiler men aqparattyq taqtalar ornatylyp jatyr.

Bul demalýshylardyń jaǵalaý aýmaǵynda erkin jol tabýyna múmkindik beredi.

Jaǵajaı ınfraqurylymyn damytýǵa da erekshe kóńil bólingen. Bıyl jaǵalaýda jeti pırs salynyp jatyr. Onyń beseýi Aqshı aýylynda, ekeýi Kóktumada ornalasqan.

Demalýshylardyń jaılylyǵy úshin 30 kıim aýystyratyn kabına men 45 bıoájethana ornatylady. Sonymen qatar qoqys jáshikteri men konteınerler qoıylyp, aýmaqty kútip ustaý jumystary kúsheıtilgen.

Jaǵalaýdyń tazalyǵyna «Alakól Tazalyq» kommýnaldyq kásiporny jaýap beredi. Bıyl mekeme 22 arnaıy tehnıkamen tolyqty.

Qyzmetkerler jaǵajaılardy, kóshelerdi retke keltirip, shóp shabý jáne qoǵamdyq oryndardy daıyndaý jumystaryn júrgizip jatyr.

Qaýipsizdik máselesi de nazardan tys qalǵan joq. Jaǵalaý boıyna 31 qutqarý munarasy ornatylyp, shomylýǵa ruqsat etilgen aýmaqtardy belgileıtin býı jelileriniń uzyndyǵy 13 shaqyrymǵa jetedi.

Budan bólek, jaǵalaýda ıntellektýaldy beınebaqylaý júıesi iske qosylyp jatyr. Kameralar sý aıdynyn táýlik boıy baqylap, tótenshe jaǵdaılardyń aldyn alýǵa kómektesedi. Eger demalýshylar belgilengen aýmaqtan asyp ketse, júıe jaýapty qyzmetterge avtomatty túrde habar beredi.

Jaǵalaýdaǵy qaýipsizdik sharalary da kúsheıtilgen. Munda jaǵalaý boıyna 31 qutqarý munarasy ornatylǵan. Shomylýǵa ruqsat etilgen aýmaqtar arnaıy qalqyma belgilermen belgilengen. Olardyń jalpy uzyndyǵy 13 shaqyrymǵa sozylady.

Búginde Alakól týrısterge emdik qasıetimen tanylǵan kólden bólek, zamanaýı jaǵajaılar, pırster, demalys oryndary, navıgatsııalyq júıeler jáne qaýipsizdiktiń keshendi ınfraqurylymyn usynyp otyr.

Eske salaıyq, Alakólde shomylý maýsymy 15 maýsymda bastalady.

Aıta keteıik, Alakól men Qapshaǵaıdaǵy qaýipsizdikti jasandy ıntellekt baqylaıdy.