Alakólde shomylý maýsymy bastalǵaly beri 10 bala joǵalǵan
ASTANA. KAZINFORM — Alakólde demalýshylardyń qaýipsizdigi erekshe baqylaýǵa alyndy, dep habarlaıdy Abaı oblysy PD baspasóz qyzmeti.
Jazǵy maýsym qyzǵan shaqta Abaı oblysyndaǵy Alakól kóliniń jaǵalaýynda týrıstik polıtsııa qyzmetkerleri demalýshylardyń qaýipsizdigin táýlik boıy qamtamasyz etip jatyr. Patrýldeý jumystary jaıaý jáne zamanaýı tehnıkalardyń kómegimen júrgiziledi. Elektromobılder, kvadrotsıklder men samokattardy paıdalaný tártip saqshylaryna jaǵalaý aýmaǵyndaǵy kez kelgen jaǵdaıǵa jedel áreket etýge múmkindik beredi.
Polıtseıler sýdaǵy qaýipsizdik máselesine jáne jaǵajaılarda alkogoldik ishimdikterdi tutynýǵa baılanysty quqyqbuzýshylyqtardyń aldyn alýǵa erekshe nazar aýdarady. Olar sý aıdyndaryndaǵy qaıǵyly oqıǵalardyń basym bóligi demalýshylardyń qaýipsizdik talaptaryn elemeýinen bolatynyn eske salady.
— Kýrorttyq aımaqta beınebaqylaý kameralary da jumys isteıdi. Bul qoǵamdyq tártipti naqty ýaqyt rejıminde baqylaýǵa jáne túrli oqıǵalardyń aldyn alýǵa múmkindik beredi. Maýsym bastalǵaly polıtsııa qyzmetkerleri adasyp ketken 10 balany taýyp, ata-analaryna tabystady, — delingen habarlamada.
Qabyldanyp jatqan keshendi sharalardyń nátıjesinde jaǵalaýdaǵy quqyqbuzýshylyq deńgeıi tómen kúıinde saqtalyp, týrıster ózderin qaýipsiz sezinip otyr.
Budan buryn Abaı polıtsııasy drondardyń kómegimen Alakól tasjolynda baqylaýdy kúsheıtkenin jazǵanbyz.
