Alakólde shomylyp júrgen anasy sýǵa batyp, qyzy aman qaldy
SEMEI. KAZINFORM — Abaı oblysy Úrjar aýdanyndaǵy Alakólde shomylyp júrgen anasy sýǵa batyp, qyzyn qutqarýshylar aman alyp qaldy.
Alakól demalys ornyn patrýldep júrgen áskerı qyzmetshiler jaǵalaýdan shamamen 50 metr qashyqtyqta, shomylýǵa tyıym salynǵan aýmaqta eki adamnyń sýǵa batyp bara jatqanyn baıqap qalǵan.
Áskerı qyzmetshiler men kýágerler dereý kómekke umtyldy. Belgili bolǵandaı, sýǵa batyp bara jatqandar — 1991 jyly týǵan áıel men onyń 2012 jyly týǵan qyzy.
— Ekeýin de sý aǵysy jaǵalaýdan alystatyp áketken. Kámeletke tolmaǵan qyz aman-esen jaǵaǵa shyǵaryldy. Ókinishke qaraı, áıeldi qutqarý múmkin bolmady. Oqıǵa ornyna kelgen jedel medıtsınalyq járdem qyzmetkerleri onyń qaıtys bolǵanyn rastady, — dep habarlady Abaı oblystyq TJD baspasóz qyzmetinen.
Eske salsaq, osyǵan deıin Alakólde shomylý maýsymy bastalǵaly beri 10 bala joǵalǵany habarlanǵan.
