Alakólde muz astynan balyq aýlaýdan jarys ótti
ASTANA. KAZINFORM - Alakólde muz astynan balyq aýlaýdan jarys ótti.
Elimizdiń ár óńirinen týrıster Alakólge jazda shomylýǵa kelse, qysta muz ústinde otyryp balyq aýlap, demalystaryn sátti ótkizedi. Osy oraıda Alakól aýdanynyń ákimdigi jáne «Balqash-Alakól oblysaralyq balyq sharýashylyq basseıni» RMK uıymdastyrýymen turǵyndar arasynda «Alakól - 2024» muzasty balyq aýlaý týrnıri ótti.
Týrnırge Almaty, Abaı oblystarynan jáne Jetisý óńirinen 50-den astam balyqshy qatysty.
Jarys qorytyndysy boıynsha 1 oryndy Qalıbek Ersin ıelendi. Al 2 oryndy Oksana Fılonovna qanjyǵalady. Tıisinshe 3-shi tuǵyrdan ıAroslav Ivanov kórindi. Sonymen qatar, «Eń birinshi balyq ustaǵan balyqshy» nomınatsııasyn Jánibek Smaǵulov utyp aldy.
Aýlanǵan balyqtardyń eń irisi 500 gramdy qurady.
Jeńimpazdarǵa arnaıy dıplom men turmystyq baǵaly syılyqtar tabystaldy.
