Alakólde mınıstrdiń qatysýymen dýatlonnan jarys bastaldy
Mádenıet jáne sport mınıstri jarystyń ashylý saltanatynda sharanyń kól jaǵalaýynda uıymdastyrylýy tegin emes ekendigine toqtaldy. Jetisý jerindegi týrızmmen tanystyrý, nasıhattaý saıystyń basty maqsaty bolyp tabylady.
"Elbasynyń Bolashaqqa baǵdar: rýhanı jańǵyrý maqalasynda elimizdiń tabıǵaty kórkem, tarıhı jerlerin nasıhattaý jóninde keńinen jazylǵan. Tarıhy tereń, keleshegi zor, tabıǵaty əsem jerdiń biri ol - Alakól. Jer jánnaty Jetisýdyń bir marjany - aıdyndy Alakólge qosh keldińizder! Sport pen dene tərbıesi adamnyń denesin ǵana shynyqtyryp qoımaıdy, rýhyn da shyńdaıdy. Búgingi bizdiń jarysymyz buqaralyq sport túrlerin damytyp, salaýatty ómir saltyn qalyptastyrýǵa óz úlesin qospaq. Barlyqtaryńyzǵa sáttilik tileımin",- dedi A.Muhamedıuly.
Jarysqa halyqaralyq dárejedegi tóreshi ıÝrıı Portnıagın qazylyq etýde.
Saıysqa arnaıy qatysyp otyrǵan qonaqtardyń biri Ádilbek Nııazymbetov óz sózinde Alakólge alǵash ret kelgenin aıtty.
"Alakólge birinshi ret kelýim, sýy tamasha. Adamnyń boıyn sergitip, keremet demalýdamyz. Barsha qazaqstandyqtardy kólge kelip, demalýǵa şaqyramyn", - dedi sportshy.
Dýatlonnan uıymdastyrylǵan «Alakól - 2017» oblystyq jarysqa 70-ke jýyq adam qatysýda. Olar jas erekshelikterine baılanysty úsh sanat boıynsha marapattalady. Qatysýshylar jalpy 14 shaqyrym joldy júgirip jáne velosıpedpen júrip ótedi. Máselen, 2 shaqyrymdy - jaıaý, 10 shaqyrymdy - velosıpedpen, odan keıin taǵy 2 shaqyrymdy jaıaý eńseredi.
Sporttyq dodaǵa qatysýshylardyń eń jasy 16 jasta bolsa, eń úlkeni 60-qa taıap qalǵan. QR Mádenıet jáne sport mınıstri Arystanbek Muhamedıuly da sharaǵa óz úlesin qosyp - sportshylarmen birge jarysqa qatysyp jatyr. Estrada juldyzdary án shyrqap, keshtiń kórkin qyzdyrýda.
