Alakólde quny 20 mlrd teńgeni quraıtyn alty joba iske asady – ákim
ÓSKEMEN. QazAqparat – Shyǵys Qazaqstan oblysy Úrjar aýdanyndaǵy Alakól demalys ornynda 6 iri joba iske asyrylmaq, dep habarlaıdy QazAqparat tilshisi.
Bul jaıly ShQO ákimi Danıal Ahmetov turǵyndar aldyndaǵy esep berý kezdesýinde aıtty.
«Sońǵy úsh jylda Alakól jaǵalaýyn abattandyrýǵa jáne jol jóndeýge oblystyq bıýdjetten 6,3 mlrd teńge bólingen. Endi aldaǵy 4 jylda 20 mıllıard teńgege taǵy alty iri ınfraqurylymdyq jobany iske asyrý josparlanyp otyr. Bizdiń maqsat – bul demalys ornyna keletin týrıstterdiń sanyn 1 mlnǵa jetkizý», - dedi aımaq basshysy.
Onyń aıtýynsha, bıyl Úrjar aýdany ortalyǵyndaǵy áýejaıdyń ushý-qoný jolaǵy qaıta jańartylady. Sonymen qatar Alakól jaǵalaýyna sý qubyry júıesi men elektr jelileri tartylmaq.
