Alakólde qar qursaýynda qalǵan balyqshylar men olardyń balalary qutqaryldy
ASTANA. QazAqparat - Ótken demalys kúnderi boranda shyǵysqazaqstandyq qutqarýshylar kólde qalyp qoıǵan 5 bala men 4 eresekti qutqardy. Bul týraly oblystyq TJD baspasóz qyzmeti habarlady.
«Keshe kúndiz Shyǵys óńirlik aeroutqyr jedel qutqarý jasaǵy bólimshesine kómek suraǵany týraly habar kelip tústi. Alakól kólinde balyq aýlaýǵa kelgender kenet borannyń saldarynan jaǵalaýdan 15 shaqyrym jerde qalyp qoıǵan. Qar qursaýynda qalǵan eki kólikte toǵyz adam bolǵan, onyń beseýi bala», delingen habarlamada.
Qutqarýshylar atalmysh jerge jetkende kóliktiń biriniń buzylǵanyn anyqtady. Olar kólikti jóndeýge kómektesip, zardap shekkenderdi Qabanbaı aýylyna deıin jetkizdi.
