Alakólde gıdroskýtermen adam qaǵý deregi boıynsha sotqa deıingi tergeý bastaldy
TALDYQORǴAN. QazAqparat – Almaty oblysy, Aqshı aýylynda kólde adam qaǵý deregi boıynsha sotqa deıingi tergeý jumystary bastaldy. Oqys oqıǵaǵa oblystyq polıtsııa departamenti túsinikteme berdi, dep habarlaıdy QazAqparat tilshisi.
22 tamyzda Aqshı aýylynyń demalys oryndarynyń birinde boıjetken sýda júzetin kóliktiń tizginine ıe bola almaı, úsh adam mingen úrlemeli matratsty soqqan. Saldarynan 8 jasar bala basyna jaraqat alyp, aýrýhanaǵa jetkizildi. Bul fakti boıynsha QR QK 359 baby boıynsha sotqa deıingi tergeý amaldary bastaldy. Almaty oblystyq polıtsııa deparatmenti baspasóz qyzmetiniń málimetinshe, barlyq qajetti saraptamalar júrgizilip, oqıǵanyń mán-jaıy men sebep-saldary tekserilip jatyr.
Bul is Almaty oblystyq polıtsııa departamenti basshylyǵynyń jiti baqylaýyna alyndy.
