Alakólde gıdroskýter mingen qyz segiz jastaǵy balany basyp ketti
TALDYQORǴAN. QazAqparat - Almaty oblysy Alakól aýdany Aqshı aýylynda Alakól kólindegi «Marsel Femelı Resort» pansıonatynda úrmeli matrasta júzip júrgen úsh jasóspirimdi gıdroskýterge ıe bola almaǵan 2000 jylǵy qyz bala basyp ketti, - dep habarlaıdy QazAqparat tilshisi.
Tótenshe oqıǵa ornyna dereý Almaty oblysy TJD qyzmetkerleri men aýdandyq polıtsııa bóliminiń qyzmetkerleri bardy.
Kelgennen keıin 2012 jyly týǵan segiz jasar bala basynan birneshe jerden jaraqat alǵany anyqtaldy. Ol Úsharal qalasynyń ortalyq aýdandyq aýrýhanasyna jetkizildi. Qalǵan balalar zardap shekken joq.
Almaty oblysynyń TJD azamattardan sýdaǵy qaýipsizdik erejelerin saqtaýdy suraıdy. Skýtermen júrgende shomylyp júrgen adamdardan alys, qaýipsiz jerde júrý qajet, óıtkeni kez kelgen abaısyzdyq apatqa ákelýi múmkin.
