Alakólde eki adam sýǵa batyp kete jazdady

SEMEI. KAZINFORM – Alakól mańynda 15 shilde kúni Tótenshe jaǵdaılar departamentiniń jedel-qutqarý jasaǵy patrýldeý barysynda eki demalýshyny qutqardy.

Olar SUP taqtasynda serýendep júrgende eskekterin joǵaltyp, jaǵadan 600 metrge alystap ketken. Óz betimen jaǵaǵa qaıta oralý múmkindigi bolmaǵandyqtan, qutqarýshylar kómekke shaqyryldy.

- Qutqarýshylar oqıǵa ornyna der kezinde jetip, demalýshylardy qaýipsiz túrde jaǵaǵa jetkizdi. Medıtsınalyq kómek qajet bolmady, - delingen vedomstvo dereginde.

Tótenshe jaǵdaılar mınıstrligi azamattarǵa mynadaı keńester beredi:

• Balalardy sýdyń qasynda qaraýsyz qaldyrmańyz;
• Qaıyqpen, katamarandarmen jáne SUP-bordtarmen syrǵanaǵanda qutqarý keýdeshelerin paıdalanyńyz;
• Aýa raıy jaǵdaıy men jeldiń kúshin qadaǵalańyz;
• Sýdaǵy qaýipsizdik – sizdiń qolyńyzda.

Aıta keteıik, Alakól jaǵalaýyndaǵy kemshilikter anyqtalyp, naqty tapsyrmalar berildi.